أبنشدك ياصحيبي ليـش هالصـده
ثلاثة شهـور ماشفنـاك يالغالـي
ياللي تجيب الخبر لا هنت لـه وده
مرسول من خاطري كالسكرالحالي
قله صحيبك حزين طـول هالمـده
انته نسيت الخـوي والا يورالـي
يابو حمد صاحبك حال الهوى هده
الله يامكبـر همومـي وغربالـي
لا واوجودي على شوفة بحر جده
آذن تصفى هواجيس علـى بالـي
لا واوجودي على اللي ناعم خـده
شيهانتن تطرق الأول على التالـي
بالزين مقياسها محدن وصل حـده
ماهي خرافه ولا هو قول جهالـي
]دلعها [/url]ماحـدن قـده[/size]
مدلعه في ذرى من يحتمي التالـي
يوم عيني لصوب الحـزن ملـده
مافيه غيره يخلي خاطري سالـي
انا اشهد انه سكن وسط الحشا وده
ياوجد حالي على ماشوفـه قبالـي
أثر المفارق عذاب لعنبـوا جـده
وانا كما تايه وسط الخـلا الخالـي
خضيت بحر الغرام بجزره ومـده
واشعلت نار القصايد فشهب اللالي
واخر حروفي سلامي يابحر جـده
والله والله ماغيرك بـرى حالـي