مع خالص حبي لكل
الخلايله 
خليلية قالها أبوها إجاكي اخو صغير
قالت بالله
عليك ما تقول لأمي خليها مفاجئة
خليلي أبوه مات
قالوله أعطي الشيخ اللي
غسله 100شيكل
قال ليش هو غاسل
bmw
خليلية بتحب الجوالات كتتتير جابت بنت سمتها
شريحة
استاذ بقول لطالب خليلي سمعلي الحروف من الالف الى
الياء .. قال : اي
خليلي قال لصديقه : بتشرب قهوة
قال صديقه
: اذا شربت قهوة ما بقدر نام
قال الأول : أنا بعكسك تمام بس نام ما فيني اشرب
قهوة
خليلي حنون فتح التلاجة
شاف الجلي برج
حكاله: متخافش
انا بس بدي أشرب
واحد راح على مطعم خليلي
وحكاله : لو سمحت بدي
3 سندويشات فلافل بدون مخلل
قاله البياع: والله ما عندي مخلل.. اعملك اياهم
بدون بندورة؟؟
خليلي بسأل بصاحبه : عمرو دياب أخو محمد
فؤاد؟؟
قاله : لا يا حمار .. مجرد تشابه أسماء
خليلي وقع عن الدرج.. راح على الدكتور
الدكتور اعطاه مرهم وحكاله بتدهن مكان الإصابة
روح على البيت ووقف قدام
الدرج وصار يحكي : والله العلبة ما بتكفي لكل الدرجات!!
خليلي اتفق مع مرته الحامل انه ازا اجاهم ولد
يسموه مبروك
وهي مرته تولد بغرفة العمليات طلعت الممرضة بتحكيله
الف الف
مبروك
حكالها : ولوووو!!!! وين بدي اروح فيهم هدول؟؟؟
خليلي ماشي بالشارع
سأل واحد : وين الرصيف
التاني؟؟
حكاله هناك على الجهة التانية
حكاله : هلأ سألت هناك وقالولي هون
خليلي اشترى سيارة
BMW
لما فتح
الراديو سمع : هنا لندن
قال: يخرب بيتها مسرعها!!
خليلي فاتح سوبر ماركت
دخل عنده واحد صيني
حكاله : شينج شا شو كوكا كولا
حكاله: قزازتين شو يخوي؟؟؟
خليلي راكب باص وحامل كيلو موز وعلبة سكر
بقشر
الموزة وبحطها بالسكر وبرميها من الشباك
سألوه ليش بتعمل هيك؟؟
حكالهم
والله ما بحب الموز بالسكر
واحد وجعه ضرسه.. راح عند دكتور أسنان خليلي
خلعله كل اسنانه وترك الضرس اللي بوجع
الزلمة عصب وحكاله : شو اللي عملته؟؟
الدكتور رد: مش هاد الضرس اللي بوجع؟؟
حكاله آه
حكاله خليه متل الكلب
مرمي لحاله الله لا يرده
خليلي قدم امتحان لحاله
طلع التاني
خليلي طلع بالقطار ببريطانيا
سأل اللي
جنبه : وتس يور نيم؟؟
حكاله : بوند... جيمس بوند
الخليلي حكاله انا :
طفى... مصطفى
تنين خلايلة بلعبو شطرنج
من كتر ما طولت
اللعبة
الملك مات جلطة
خمس خلايلة بلعبو على الاتوستراد
اتفقو
اللي بندعس اربع مرات يطلع من اللعبة
خليلي اجاه ولد قرر يسميه على اسم ابوه
بابا
خليلي اتصل بالإطفائية وحكالهم
شو ازا
ما في حريق ما بنشوفكم؟؟
خليلي ماشي بالشارع
شاف جنازة ماشية
.. مشي فيها
سأل واحد: شو كان يشتغل الميت؟؟
حكاله : حفار قبور
حكا :
ايــــــه.. من حفر حفرة لأخيه وقع فيها
خليلي راح يشتغل شوفير تكسي بالصين
كل ما
يأشرله واحد بحكيله : ما انا هلأ نزلتك
خليلي قرر يعمل عملية تجميل ليوسع عيونه
فتحهم على بعض
خليلي ماشي مع صاحبته بالشارع
شافت ابوها
بآخر الشارع وصارت تحكيله : هاد بابا
دقها بإيده وحكالها : احكيله اني اخوكي
خليلي اهدته صاحبته ببغاء بعيد الحب
اتصلت
عليه بالليل
بتحكيله : اه حبيبي كيف شفت الهدية؟؟
حكالها: عادي.. نفس طعم
الجاج
خليلي حكوله بكرة عيد الحب
حكا : شو
هالورطة؟؟ وكيف صلاته هاد؟؟
خليلي بسأل صاحبته اللبنانية: شو كان دلعك
وانتي صغيرة؟؟
حكتله : شوزي.. انت؟؟
حكالها : ابو خنانة
خليلي حب لبنانية شهر وبعدها تاب وراح عند
الشيخ
سأله شو الكفارة؟؟
وحكاله : لازم تحب صوماليه اربع شهور
خليلية بتحكي لزوجها: ليش ما بتعمل زي
جارنا
كل ما يطلع من الدار ببوس مرته
حكالها: بالك بتوافق؟؟
خليلي طخ ابنه
سألته الشرطة ليش قتلته؟؟
قالهم: عصفور بالجنة ولا جحش في الارض
خليلي راح عند شيخ
حكاله : عندي جن بالبيت
شو اعمل؟؟
قاله : اخلطو بسفن اب وادعيلي
خمس شياطين راكبين خليلي
واحد بوسوس
واربعة بفهمو فيه
خليلي حكمو عليه بالإعدام شنقا
وهم ينفذو
بحكم الاعدام ، أشرلهم بايده ينزلوه
لما نزلوه سألوه شو بدك؟؟
قالهم :
والله رحت ما اموت
خليلي حلق شواربه وروح على البيت
شاف اهله قاعدين بالصالة
قالهم: والله ما عرفتكم يا جماعة
خليلية حرقت بيت اهلها
عشان تشوف
حبيبها اللي بشتغل بالمطافي
خليلي بعت ابنه يشتري خروف العيد
راح
جاب خروف ضعيف كتير
ابوه عصّب وحكاله : ليش هيك جايبه نحيف؟؟
قاله: سيبك من
الجسم وشوف العيوووووون
خليلي فات على محطة تعبئة غاز وقال
للعامل: بدي اسطوانة غاز
العامل حكاله: وين الجرة الفاضية؟؟
حكاله: لا بدي
اشربها هون
خليلي سمين
قرر يضعف شوي وراح عند
الدكتور
الدكتور حكاله: لازم كل يوم تمشي 5 كيلومتر
بعد أسبوع اتصل
بالدكتور وحكاله: انا صرت بنابلس شو أعمل؟؟
خليلي قاعد بصلي
سمع تنين بمدحو
بصلاته وبخشوعه
قطع عن الصلاة وحكالهم
هادا ولسة مش متوضي
خليلي فات على عزا وحب يتفلسف
عالقاعدين
وقف وحكى: سبحان الله الانسان زي البني آدم لما يموت بتوفى
خليلي انقطعت كندرته
راح خيطها
عند الكندرجي
بعد أسبوع شافها منيحة فك القطب
خليلي سافر على اميركا
قعد عشر سنين
متعلمش انجليزي ونسي العربي
مجموعة حجاج رئيسهم خليلي
قالهم : ازا
شديتو الهمة بنروح عالخليل قبل العيد بإذن الله
ولد خليلي بسأل امه : لو ما اتجوزتي ابوي ولا
خلفتيني
وشفتيني عند ناس بتعرفيني؟؟
خليلي عامل طوشة بالحارة
شافته امه من
الشباك
حكتله تعملش مشاكل يمة
طخو وتعال
خليلي إجاه ولد صام 3 ايام شكر لله تعالى
بعد 10 ايام مات الولد
قال علي الطلاق غير اخصمهم من رمضان
خليلي شهم وكريم انحرق بيته
اتصل
بالإطفائية ولما اجو
حكالهم : والله ما بتمدو ايدكم على اشي قبل ما تتغدو
المدرس يسأل طالب خليلي: ما هو الحيوان
الذي يوقظك من النوم صباحا؟؟
حكاله : الوالد
ههههههههههههههههه
نكت خلايلة من الاخرالإثنين يونيو 21, 2010 8:02 pm