بكيته وارتجف حسي ...وضاق الكون بأعياني
بعد ما صرح احساسه..بأنه ناوي يرحل..!

بكاني حظي العاثر..وهمي زود بكاني
ياكيف اعيش من بعده..ودونه فرحتي تخجل..!

جمع جيش الحزن واقبل..بيده دمر اركاني
طعن فيني وليد الفرح..واقفى دون ما يسئل

على شانه نسيت الناس..ابد ماهو على شاني
وقدمته على غيره وخليت البشر تعذل..!

نسى كل شئ سويته..وصبري عنه لاجاني
يحاكيني عن جراحه..وعن صد البشر لا اقبل

تنفست الامل منه..وطيفه وسط اجفاني
واثاري اكسجينه {{سم}}سرى بروحي وانا اجهل..!

وناوي يهجر قليبي..ويزيد الجرح من ثاني
يعاندني يحسب اني..مثل اول انا ما ازعل..!


انا ادري فيه يلعب بي..يبي يزوده احزاني
يبيها تجف انهاري..يبيها وردتي تذبل..!

حفر قبري بهمساته..وجاني حامل اكفاني
يبيني ادفن احساسي..وارض بغيبته واجفل..!

مع انه بالخفا ساكن..مابين عروق شرياني
ويأمرني على كيفه..وشوره دايم الاعقل..!

ولكنه قبل يبعد..على بابي تحراني
بيده دفتر احمر..وحاله جداً مبهذل..!

وسلمني كتاباته..بنظرة عينه احياني
تناسيت الالم لحظه وهمت بحاله المهمل..!

وودع بعدها قليبي ..ونزلت دمعة اعياني
بعدما صرح بكلمه ..ضروري ابتعد وارحل
شمس البريئه