تسهـر عيونـي بالغـلا لـيـه وتـنـام
ماهـو جـزاي اليـوم منّـك التـحـدي

ضيّعتنـي بيـن الحقيـقـة والأوهــام
حبـك بصـدري صـار جـزري ومــدي

الساعة اللي تمـر فـي غيبتـك عـام
بكثـر البكـاء والنـوح بيـحـت ســدّي

عيني تهل الدمـع وأسهـر ولا أنـام
ومـا غيـرك أحـدٍ لـه عيونـي تلـدي

والله أحبك مـوت يـا عطـر الأنسـام
ودي اشوفك يا أجمـل النـاس ودي

لا نمت جابك لي هجوسي والأحلام
وقامـت عيونـي مـن بكـاهـا تـنـدي

مـدّ الوصـل مـن بيننـا طـول الأيـام
لا تصـيـر أنـتـه والمقـاديـر ضــدي

مـعـذور أحـبـك لا ولانــي بـمن لام
خــل الـغـرور ولا تـزيـدي الـتـصـدي

شفت العذاب أشكال عـام ورى عـام
يكفـي دموعـي تنتثـر فــوق خــدي