]أحبك ]ايه أحبك
خلي الناس تسمعها
[/b]حبيبي جيت ابشكيلك اخذ عمري وريحني
ابحكيلك عن اوضاعي وابيك اليوم تسمعها
ابي من وقتك الغالي ولو لحظه وتسمعني
انا جيتك بعد ما ضاقت الدنيا من اربعها
جلست البارح ألحالي لأنك ماتكلمني
واشوف هموم هالعالم تجي عندي واجمعها
حبيبي اعتذر مره وقول ارجوك سامحني
وانا مثلك بعد اسف وهالزعله نضيعها
ترى مالي احد غيرك اذا انت بتخاصمني
تطيح الدمعه من عيني ويجري غصب مدمعها
طلبتك لملم اشواقي كفا البارح تبعثرني
قسم بالله بس تزعل احس الروح اودعها
حرام العمر يسرقنا حبيبي ارجوك تفهمني
تعب صوتي اناديلك ابي روحي ترجعها
دخيل عيونك الحلوه تبسم لا تجنني
ترى روحي من البارح وهي تنقل مواجعها
زعلت وجيت ابشكيلك بعد عمري تصدقني
كرهت الارض فغيابك من اولها لسابعها
بعد هالعمر والعشره حبيبي ليه تسألني؟؟؟؟
****
احبك ؟؟؟؟
ايه احبك .. وخل الناس تسمعها
عدل سابقا من قبل شمس الحب في الأربعاء أغسطس 11, 2010 8:47 pm عدل 1 مرات
